Joriy 2023 yilning 9 iyun kuni O’zbekiston Nogironlar Associaciaciyasi Qoraqalpog’iston Respublikasi hududiy bo’limi "Madaniyat va Ma'rifat" bo'limi hamda Qoraqalpog'iston maxsus ko'zi ojizlar kutubxonasi hamkorligida "Onamning allasi – she'riyat" nomli ijodiy uchrashuv bo'lib o'tdi.

Kechani O'zbekiston ko'zi ojizlar jamiyati Qoraqalpog’iston Respublikasi boshqarma raisi Q.Sharapov ochib berdi. Asli Amudaryoda tug'ilib, Toshkent shahrida istiqomat qilayotgan, xalqaro "Oltin qiron" mukofoti sohibi, Shoira  Jumagul Yunusova so'zga chiqib, ijodkor Barno Smetullayevaga "Qo'shqanot" ijodiy fondining rasmiy guvohnomasi va "Xalqlar do'stligi" ko'krak nishonini tantanali topshirdi. 

Kutubxona xodimi B.Ayapova B.Smetullayevaning ijodiy faoliyati hamda yutuqlari haqida ko'rgazma tashkil qildi va yig'ilganlarni tanishtirdi. Tadbirda bir qator shoiralar va hofizlar ishtirok etishdi! 

O'zbikiston va Qoraqalpog'iston yozuvchialr uyushmasi a'zosi, shoira va journalist Fotima Mirzaboyeva B. Smetullayevaga ijodiy parvozlar tilab, yo'nalish sifatida o'z maslahatlarini berdi. Ijodkor Dilbar Aytjanova ustoz sifatida iliq fikrlarini bildirdi. 

Shoira tahsil olgan Qo'ng'irot tumani derektori ham Barnoning faolligi, tirishqoqligi haqida fikr-mulohazalarini bildirdi. xalqaro “Baxshilar festevali”ning hamishagi mutloq g'olibi Azat Siylxanov hamda xonanda Maqset Matiqov o'z qoshiqlari bilan tadbirning yanada ko'tarinki o'tishiga hissa qo'shishdi. 

O’zbekiston Nogironlar Associaciasi Qoraqalpog'iston hududiy bo'limi raisi Jabbar Narbayev so'zga chiqib, Barnoning grant loyihalarda tabirkor sifatida “Sertifikat” bilan taqdirlangani haqida gapirdi hamda menga "Madaniyat va Ma'rifat bo'limi" rasmiy guvohnomasini tantanali topshiirdi. B.Smetullayaga ham bo'lim a'zolik guvohnomasi topshirildi.

Tadbir so'ngida Kutubxona rahbari Alima Ahetova hamda Q.Sharapov nogironligi bo'lgan ijodkor shaxlarning faolligi va faoliyati haqida o'z mulohazalarini bildirishdi. 

Uchrashuv juda ko'tarinki ruhda o'tdi va Qoraqalpog'iston ommaviy axborot vositalarida yoritildi.

Manba: O’zbekiston Nogironlar Associaciasi
Qoraqalpog'iston hududiy bo'limi