– Мен яқинда туғилган чақалоғимни опамга бермоқчиман. Сабаби 3 йилдан бери бефарзанд. Мени катта ўғлим 2 ёшда кичкинаси ҳали 2 ҳафталик. Кичкина ўғлимни опам оиласига фарзандликка бермоқчиман. Опамни эри неврологик сабабларга кўра II гуруҳ ногирони. Буни қай тартибда амалга оширишим керак?
– Ўзбекистон Республикаси Оила кодексининг 151-172-моддалари билан тартибга солинади. Фарзандликка олиш болани фарзандликка олишни истаган шахсларнинг (шахснинг) аризасига кўра васийлик ва ҳомийлик органларининг фарзандликка олишнинг асослилиги ва фарзандликка олинаётган бола манфаатларига тўғри келиши ҳақидаги хулосаси ҳисобга олинган ҳолда суд томонидан амалга оширилади.
Сиз ва опангиз авваломбор Васийлик ва ҳомийлик органига мурожаат қилишингиз керак ва улар сизга 16 турдаги ҳужжатлар рўйхатини тақдим қилади. Шу ҳужжатларни расмийлаштирганингиздан сўнг васийлик ва ҳомийлик органи ходимлари уйингизни кўздан кечиргандан сўнг хулоса беради.Ушбу хулоса билан судга мурожаат қиласиз. Суд жисмоний ва юридик шахсларнинг мурожаатлари тўғрисидаги қонунга кўра 1 ой ичида аризани ўрганиб чиқади.
Манба: www.yuridik.uz
“Disability Rights” – Ногиронлиги бўлган шахслар ҳуқуқи Махсус тўплами телеграм каналига аъзо бўлинг
© P.S.: Ғоя муаллифи: Саламат Авезов.
Болалигидан II-гуруҳ ногирони «ДЦП – (Детский Церебралный Паралич) – БЦФ – Болалар Церебрал Фалажи)» ташхиси.
