2023-жыл 26-июль куни "Дослық үйинде" Өзбекстан Республикасы герең-сақаўлар жәмийети Қарақалпақстан Республикасы бөлими ымлаў тили бойынша "Ең жақсы аўдармашы" көрик таңлаўының Қарақалпақстан Республикасы басқышын өткерди.

Таңлаў Нөкис қаласындағы Шала сөйлейтуғын ҳәм шала еситетуғын балалардың 4-санлы қәнийгелестирилген мектеп интернаты оқытыўшылары ҳәм Нөкис қаласындағы Моно орайдың сурдодилмашы арасында болып өтти.

Таңлаўда Нөкис қаласындағы Моно орайдың сурдодилмашы Нажимадинова Насиба биринши орынды ийелеп Ташкент қаласында болып өтетуғын Өзбекстан Республикасы басқышына жоллама алды.

Таңлаўға Қарақалпақстан Республикасы Министирлер Кеңесиниң бөлим басшылары, Өзбекстан Республикасы Майыплар Ассоциациясы Қарақалпақстан Республикасы аймақлық бөлими, Өзбекистан мәмлекетлик емес коммерциялық емес шөлкеми Қарақалпақстан Республикасы аймақлық бөлими, “Өзбекистан арнаўлы олимпиадасы” жәмийет бирлеспеси Қарақалпақстан бөлими басшылары қатнасты.

Дерек: Өзбекстан Майыплар Ассоциациясы
Қарақалпақстан Республикасы аймақлық бөлими