5-6-iyul kunlari Chirchiq olimpiya va paralimpiya sport turlariga tayyorlash markazi para qilichbozlik boʻyicha Oʻzbekiston chempionatiga mezbonlik qildi. Kecha musobaqaning final bellashuvlari oʻtkazildi va unda mamlakatimizning eng kuchli para qilichbozlari aniqlandi.

Yakuniy natijalarga koʻra, yakkalik bahslarda 1 ta oltin, 1 ta kumush va 2 ta bronza, jami 4 ta medalga sazovor boʻlgan Qoraqalpogʻiston Respublikasi jamoasi umumjamoa hisobida 1-oʻrinni qoʻlga kiritdi. Kuchli uchlikdan Toshkent hamda Namangan viloyati jamoalari joy oldi. Jamoaviy bahslarda esa Toshkent viloyati sportchilariga teng keladigan raqib topilmadi. Ikkinchi oʻrin Namangan viloyati, uchinchi oʻrin esa Qoraqalpogʻiston Respublikasidan tashrif buyurgan qilichbozlarga nasib etdi.

Gʻolib va sovrindorlar tashkilotchilar tomonidan maxsus diplom va medal bilan taqdirlandi.

Manba: Minsport.uz