Aldın xabar bergenimizdey, 2023/2024-oqıw jılında joqarı oqıw orınlarına qabıllaw boyınsha Berdaq atındaǵı Qaraqalpaq mámleketlik universitetiniń sport sarayı hám sport zalında mámleketlik test imtixanları bolıp ótti. 

Test imtixan ótkerilip atırǵan orınlarǵa kameralar ornatılıp, ata-analar ushın onlayn baqlap barıw, sonday-aq, kútiw orınları shólkemlestirilgen.

Usı shólkemlestirilgen arnawlı kútiw orınlarında “Ózbekstan Mayıplar Associaciyası” Qaraqalpaqstan Respublikası aymaqlıq bólimi qánigesi X.Erniyazov hám Ózbekstan Xalıq demokratiyalıq partiyası Qaraqalpaqstan Respublikalıq Keńesi jaslar hám hayal-qızlar menen islesiw sektor baslıǵı G.Dalibaevalar ata-analar menen sáwbetlesip, búgingi kúnde mámleketimiz tárepinen jaslarǵa jaratılıp atırǵan imkaniyatlar haqqında aytıp ótti.

Derek: Òzbekstan Mayıplar Assotsiatsiyası
Qaraqalpaqstan Respublikası aymaqlıq bòlimi