Өзбекстан Республикасы Президенти жанындағы Социаллық қорғаў миллий агентлиги Қарақалпақстан Республикасы басқармасында “Инсан” социаллық хызметлер орайларында жумыс алып барыўшы психологлар ушын семинар-тренинг өткерилмекте.

Семинарда Ҳаялларды реабилитация қылыў Республика орайының Қарақалпақстан Республикасы аймақлық бөлими психологы Роза Аманова ҳәм Нөкис Президент мектеби әмелиятшы психологы Элмира Суллетбаевалар тәрепинен Инсан психологиясы, кейс жаратыў ҳәм оны нәтийжели шешиў, оның усыллары сондай-ақ мүрәжатшылар менен ислесиў сыяқлы темаларда кеңнен түсиниклер берилмекте.

Сондай-ақ өткерилип атырған семинар-тренингке онлайн тәризде район (қала)лардағы “Инсан” социаллық хызметлер орайларының хызметкерлери қатнаспақта.

Дерек: Өзбекстан Республикасы Президенти жанындағы Социаллық қорғаў
миллий агентлиги Қарақалпақстан Республикасы басқармасы