2025-йил 27-28-ноябрь кунлари Нукус давлат техника университетида ўтказилиши режалаштирилган “Яшил иқтисодиёт ва экологик барқарорликни таъминлашда сунъий интеллектнинг роли” мавзусидаги республика илмий-амалий анжумани бўлиб ўтмоқда.

Илмий-амалий анжуманига профессор-ўқитувчилар, магистрантлар ва талаба-ёшлар ўз илмий ишлари ва тадқиқот натижаларини тақдим этиб, сунъий интеллектнинг экологик жараёнларни самарали бошқаришдаги ўрни юзасидан долзарб маълумотларни баён қилдилар.

Тадбирга «Компьютер илмлари» факультети Дастурий инжиниринг мутахассислиги 1-босқич магистранти болалигидан II гуруҳ ногирони Саламат Авезов эркин тингловчи сифатида иштирок қилган бўлса шу факультетнинг 1-босқич магистранти Авилханова Балауса “Табиий тилни таҳлил қилиш моделлари ва алгоритмлари таҳлили” номали маърузаси бўйича 1-шўба – Математик моделлаштириш ва ҳисоблаш математикасида иштирок қилди.

Мазкур шўбада мураккаб технологик жараёнларни моделлаштириш, ҳисоблаш алгоритмларини такомиллаштириш, сунъий интеллект учун математик асослар, оптималлаштириш усуллари ҳамда барқарор ривожланишга хизмат қилувчи математик ёндашувлар ҳақида илмий маърузалар тингланди.

Иштирокчилар замонавий саноат, энергетика ва экологик мониторинг соҳаларида математик моделлаштиришнинг қўлланилиши бўйича самарали фикр алмашдилар.

Саламат Авезов,
Нукус давлат техника университети магистранти