Нөкис районы 1-сектор аймағына тийисли болған «Қырантаў» аўыл пуқаралар жыйынында кем тәмийинленген 10 шаңарақтың ҳалынан бар алынып, оларға Мәҳәлле ҳәм шаңарақты қоллап-қуўатлаў бөлими жанындағы «Қәўендерлик қайырқомлықларды муўапықластырыў орайы» тәрепинен азық-аўқат өнимлери жеткерилип берилди.
Сондай-ақ, "Шортанбай" аўылы турғыны, кем тәмийинленген ҳәм шаңарағында майыплығы болған Кеўлимжаевлар шаңарағына «Назар» фермер хожалығы тәрепинен бир қара мал бейпул қайыр-сақаўат сыпатында тапсырылды. Усы күни «Ақмаңғыт» ППЖ аймағында жасаўы Жумабаева Санавардың шаңарағына «Назар» фермер хожалығы тәрепинен және бир қара мал берилди.
