Ózbekstan Respublikası Ministrler Kabinetiniń 2018-jıl 2-iyuńdaģı 417-sanlı qararı menen tastıyıqlanģan "Joqarı oqıw orınlarına mayıplıģı bolģan shaxslardı qosımsha mámleketlik grantı kvotaları tiykarında oqıwģa qabıl etiw tártibi haqqında"ģı Nızamģa muwapıq:

Joqarı oqıw orınlarına abiturientlerdi qabıl qılıwdıń ulıwma sanına salıstırmalı túrde mayıplıģı bolģan shaxslar ushın qosımsha eki procentli mámleketlik grantı kóleminde kvota orınları ajıratıladı.

– Joqarı oqıw orınlarına mayıplıģı bolģan shaxslardı qosımsha kvota tiykarında oqıwģa qabıl etiw ushın kiriw imtixanları (test sınaqları, kásiplik (dóretiwshilik) imtihan) nátiyjelerine muwapıq ámelge asırıladı;

– kiriw imtihanlarında toplaw múmkin bolģan eń joqarı balldıń 30 procentinen kem bolmaģan ball

(56,7 ball) toplaģan mayıplıģı bolģan shaxslar ballar izbe-izligine qatań ámel etken halda, qosımsha eki procentli mámleketlik grantı kvotaları tiykarında studentlikke usınıs etiledi.

2021/2022 oqıw jılı ushın Qaraqalpaqstan Respublikasında jaylasqan joqarı oqıw orınlarına jámi 226 orın ajıratılģan edi. Sonnan kúndizgi tálim formasına 167 orın, sırtqı tálim formasına 54 orın, keshki tálim formasına 5 orın ajıratıldı.

Kúndizgi tálim forması boyınsha:

Qaraqalpaq mámleketlik universitetine 79 orın ajıratılģan bolıp, ótiw balı 68,25 ball;

Qaraqalpaq medicina institutına 10 orın ajıratılģan bolıp, ótiw balı 81,9 ball,

Nókis mámleketlik pedagogikaliq institutına 39 orın ajıratılģan bolıp, ótiw balı 66,15 ball;

Qaraqalpaqstan awıl xojalıģı hám agrotexnologiyalar institutına 13 orın ajıratılģan bolıp, ótiw balı 56,7 ball;

Tashkent informaciyalıq texnologiyaları universiteti Nókis filialına 6 orın ajıratılģan bolıp, ótiw balı 61,95 ball;

Ózbekistan mámleketlik kórkem-óner hám madeniyat institutı Nókis filialına 6 orın ajıratılģan bolıp, ótiw balı 59,85 ball;

Samarqand veterinariya medicina institutı Nókis filialına 8 orın ajıratılģan bolıp, ótiw balı 57,75 ball;

Ózbekistan mámleketlik dene tárbiya hám sport universiteti Nókis filialına 4 orın ajıratılģan bolıp, ótiw balı 64,05 ball;

Nawayı mámleketlik kánshilik institutı Nókis filialına 2 orın ajıratılģan bolıp ótiw balı 56,7 balldı quraydı.

Sırtqı tálim forması boyınsha:

Qaraqalpaq mámleketlik universitetine 16 orın ajıratılģan bolıp, ótiw balı 76,65 ball;

Nókis mámleketlik pedagogikaliq institutına 28 orın ajıratılģan bolıp, ótiw balı 69,3 ball;

Qaraqalpaqstan awıl xojalıģı hám agrotexnologiyalar institutına 3 orın ajıratılģan bolıp, ótiw balı 69,3 ball;

Tashkent informaciyalıq texnologiyaları universiteti Nókis filialına 2 orın ajıratılģan bolıp, ótiw balı 73,5 ball;

Ózbekistan mámleketlik kórkem-óner hám madeniyat institutı Nókis filialına 2 orın ajıratılģan bolıp, ótiw balı 66,15 ball;

Samarqand veterinariya medicina institutı Nókis filialına 1 orın ajıratılģan bolıp, ótiw balı 67,2 ball;

Ózbekistan mámleketlik dene tárbiya hám sport universiteti Nókis filialına 2 orın ajıratılģan bolıp, ótiw balı 71,4 balldı quraydı.

Keshki tálim forması boyınsha:

Qaraqalpaq mámleketlik universitetine 3 orın ajıratılģan bolıp, ótiw balı 98,7 ball,

Nókis mámleketlik pedagogikaliq institutına 2 orın ajıratılģan bolıp, ótiw balı 63 balldı quraydı.

Derek: Mámleketlik test orayınıń
Qaraqalpaqstan Respublikası bólimi