Búgin 27-oktyabr kúni Ózbekstan Respublikası ádillik ministri R.Davletov xızmet saparı menen Qaraqalpaqstan Respublikasına keldi.

Xızmet saparı dawamında ádillik uyımları hámde mámleketlik xızmetler orayları jumısı menen jaqınnan tanısıw hám ámeliyattaǵı mashqalalardı analizlew maqset qılınǵan.

Ministr xızmet saparın Ózbekstan Mayıplar jámiyetiniń Qaraqalpaqstan bólimi jumısları menen tanısıwdan baslap, bólim xızmetkerlerine jaratılǵan sharayatlar, sonday-aq olardı qıynap kiyatırǵan mashqalalı máseleler boyınsha usınısların esitti.

Ushırasıw dawamında ádillik ministri R.Davletov tárepinen Ózbekstan Mayıplar jámiyetiniń Qaraqalpaqstan bólimine tigiw mashinası sawǵa etildi.

Sonday-aq, Nókis qalasında qurılıp atırǵan “Mámleketlik emes kommerciyalıq emes shólkemleri úyi” jumıs processi menen de tanıstı.

Maǵlıwmat ushın: Nókis qalasında “Mámleketlik emes kommerciyalıq emes shólkemleri úyi” imaratında Qaraqalpaqstan Respublikasındaǵı 38 mámleketlik emes kommerciyalıq emes shólkemler, sonnan 5 mádeniy oraylardı jaylastırıw rejelestirilgen.

Derek: Ádillik jańalıqları