2022-jıl 11-yanvar sánesinde "Madaniyat va ma'rifat" telekanalı dóretiwshi jámáát aǵzaları Salamat Avezov penen "Odamlar orasida" kórsetiwine intervyu alıw ushın filialımızda miymanda boldı. Syomka processi Salamat Avezovtiń tolıq ómir bayanı, jámiyette iskerligi, ol bul sınawlardı qalay jeńip bunday jámiyette óziniń ornın tawiwina kimler sebepshi bolǵanı haqqında bolıp ótti. Ol bunday nátiyjelerge erisiwinde filialımız jámáát aǵzalarınıń, ustazlarınıń ornı úlken hám girewli ekenliginde aytip ótti..

Salamat Avezov filialımızdıń tunǵısh qarlıǵashlarınıń biri, búgingi kúnde ol usı dárgayda "Oqıw járdemshi bólimi kabinet baslıǵı" lawazımında óz jumısın alıp barmaqta. Salamattiń imkaniyati sheklengen bolıwına qaramastan jaratqan saytları, jazǵan maqalaları, islegen ilmiy jumısların, joybarların kórip, kelgen miymanlarda birqansha tolqınlandı.Onıń islep atırǵan jumısları menen tanısa otırıp, bul insan qalayinsha buniń barlıǵına úlgeredi eken, dep oylanıp qaldıq.

Salamat fizikalıq jaqtan teńleslerinen ázzirek bolıwına qaramastan ne bir deni saw er-azamatlardiń qolınan kele bermeytuǵın aqılıy miynetlerdi júda kámine keltirip jaratip qoyipti. Hár bir insan dúnyaǵa keler eken aldına maqset qoyip, niyet etip jasaydı, Salamatta esin taniǵan waqıtlarınan baslap aldına kúshli programmist bolaman dep maqset etken eken, mine búgingi kúnde ol ilimli, ziyali, kompyuter texnologiyalariniń jetik mamanı.

Видео: YouTube

Media topar aģzası: Yusupbayeva Zuxra.

Derek: Muhammed al-Xorezmiy atındaģı TİTU Nókis filialı.