2022-2026-jıllarǵa mólsherlengen Jańa Ózbekstannıń rawajlanıw strategiyasınıń mazmun-mánisi túsindiriw maqsetinde Qaraqalpaqstan Respublikasi Ádillik ministrliginde “Yuksalish” ulıwmamilliy háreketi, Qaraqalpaqstan Respublikası Hákimshilik sudı menen birgelikte Prezidentimizdiń 2022-2026-jıllarǵa mólsherlengen Jańa Ózbekstannıń rawajlanıw strategiyası haqqındaǵı Pármanınıń mazmun-mánisin túsindiriw boyınsha seminar ótkerildi.
Seminarǵa Mámleketlik emes kommerciyalıq emes shólkemleriniń wákilleri qatnastı.
Ministrlik bas másláhátshisi N.Qutlimuratova tárepinen 2017-2021-jıllarda ámelge asırılǵan reformalar hámde Rawajlanıw strategiyasınıń insan qádirin kóteriw hám erkin puqaralıq jámiyetin bunnan bılayda rawajlandırıw arqalı xalıqshıl mámleket qurıw, mámleketimizde ádillik hám nızam ústinligi principlerin rawajlanıwdıń eń tiykarǵı hám zárúr shártine aylandırıw, ádil sociallıq siyasat júrgiziw baǵdarında belgilengen wazıypalar boyınsha maǵlıwmatlar berildi.
