Búgin Nókis qalası Jaslar orayında mayıplıǵı bolǵan, biraq imkániyatı sheksiz jaslardıń qábiletlerin júzege shıǵarıw, olardıń huqıqların qorǵaw, olardı kásipke oqıtıw hám bántligin támiyinlewde birge islesiwdi jolǵa qoyıw maqsetinde Ózbekstan Respublikası Jaslar isleri agentligi Qaraqalpaqstan Respublikası basqarması hám "Ózbekstan mayıplar associaciyası" Qaraqalpaqstan Respublikası aymaqlıq bólimi arasında memorandum imzalandı.
Usı memorandum tiykarında bir maqset jolında birlesip, mayıplıǵı bolǵan jaslardı jámiyette óz ornın tabıwı, olardıń siyasıy mádeniyatı, huqıqıy sawatxanlıǵın asırıw, jámiyette insanlar arasında mehir-múriwbetti, insanıylıq sezimlerin ele de kúsheytiw boyınsha anıq maqsetke qaratılǵan is-ilájlar kompleksi islep shıǵılıp, ámeliyatqa engiziledi.
Derek: Ózbekstan mayıplar associaciyası
Qaraqalpaqstan Respublikası aymaqlıq bólimi.
