Salamat shańaraqtı qáliplestiriw ushın shárt-shárayatlar jaratıw, genetika menen baylanıslı hám tuwma keselliklerge shalınǵan balalar tuwılıwınıń aldın alıw nekeleniwshi shaxslardı medicinalıq kórikten ótkeriwdiń maqseti esaplanadı. Nekeleniwshilerdiń puqaralıgına qaramastan, Ózbekstan Respublikası PHAJ uyımları tárepinen dizimnen ótkeriletuǵın barlıq nekelerge engiziledi, 50 jastan úlken puqaralardıń nekesin dizimnen ótkeriw jaǵdayları bunnan tısqarı, bul shaxslar medicinalıq kórikten tek olardıń razılıǵına kóre ótkeriledi.
Nekeleniwshi shaxslar PHAJ uyımları tárepinen medicinalıq kórikten ótiw ushın turaqlı yamasa waqtınshalıq jasaw ornındaǵı den sawlıqtı saqlaw sistemasınıń tiyisli medicina mákemelerine jiberiledi. Nekeleniwshilerdiń medicinalıq ko'rigi olardıń jasaw ornındaǵı psixiatr vrachlar, narkologlar, teri kesellikleri vrachları, ftiziatrlar tárepinen medicinalıq kórik ótkeriw ushın tiykar esaplanatuǵın PHAJ uyımları tárepinen berilgen jollama boyınsha biypul ótkeriledi.
Medicinalıq kórikten ótiw múddeti nekeleniwshi shaxslar medicina mekemesine múrájaat etken kúnnen baslap eki hápteden aspawı kerek.
Nekeleniwshi shaxslardıń medicinalıq ko'rigi nátiyjeleri tuwrısında medicina shólkeminiń juwmaǵı málimlemede sáwlelendiriledi. Málimleme medicina shólkeminiń móri hám basshısınıń qolı menen tastıyıqlanadı hám de bólek dápterde dizimnen ótkeriledi, dápter belgilengen múddet dawamında wálayat den sawlıqtı saqlaw basqarmasınıń arxivında saqlanadı. Málimlemeniń ámel etiw múddeti – úsh ay esaplanadı.
Nekeni atap kórsetiwde PHAJ uyımları nekeleniwshi adamlardıń medicinalıq kórikten ótkenliklerine hám olardıń bul tekseriw nátiyjelerinen xabardarlıǵına isenim payda etiwi kerek.
Nekeleniwshi shaxslar neke dizimge alınǵanǵa shekem ekinshi tárepti medicinalıq tekseriw nátiyjelerinen xabardar etiwi shárt.
