2023-жыл 23-декабрь күни Өзбекстан Республикасы Президенти жанындағы социаллық қорғаў миллий агентлиги Қарақалпақстан Республикасы басқармасында мәмлекетлик емес, коммерциялық емес шөлкемлер менен өз-ара бирге ислесиў бойынша ушырасыў өткерилди.
Ушырасыў шеңберинде Өзбекстан Республикасы Президенти жанындағы социаллық қорғаў миллий агентлиги Қарақалпақстан Республикасы басқармасы менен Мәмлекетлик емес, коммерcиялық емес шөлкемлер миллий ассоcиаcиясы Қарақалпақстан Республикасы бөлими ҳәм Өзбекстан майыплар ассоcиаcиясы Қарақалпақстан Республикасы аймақлық бөлимлери ортасында өз-ара бирге ислесиўши меморандумы дүзилди.
Меморандум мақсети – еки тәреплеме мүнәсибетлердиң раўажланыўын белгилеў, социаллық тараўда искерлик алып барып атырған шөлкемлер менен бирге ислесиўди жолға қойыў, ўәкиллигинен келип шығып еки тәреплеме мәпдар мүнәсибетлерди қоллап-қуўатлаў ҳәм раўажландырыў мақсетинде бирге ислесиўден ибарат.
Тастыйықланған меморандум көплеген жөнелислерди өз ишине алады ҳәм тәреплер менен биргеликте әмелге асырылады.
Дерек: Өзбекстан Майыплар Ассоциациясы
Қарақалпақстан Республикасы аймақлық бөлими
