Нөкис қалалық 10-санлы "Нурлы мәкан" мектеп-интернаты ҳәкимшилиги ҳәм ер жигитлери тәрепинен "8-Март – Халықаралық ҳаял-қызлар" байрамы мүнәсибети менен Көзи әззилер мәденият орайында "Жәннет аналар аяғы астында" атамасында байрам кешеси болып өтти.
Байрам кешесине Өзбекстан Республикасы көзи әззилер жәмиети Қарақалпақстан Республикасы бөлими баслығы Қ.Шарапов, Қарақалпақстан Республикасы Мектепке шекемги ҳәм мектеп билимлендириў министрлиги балаларды социаллық қорғаў секторы баслығы Г.Бегжанова ҳәм нураный устаз Сон Светлана Михайловналар мийманда болды.
Концерт бағдарламасы жоқары дәрежеде өткерилип байрам қатнасыўшылары саўғалар менен сыйлықланды. Кешени шөлкемлестирген мектеп-интернат ҳәкимшилиги ҳәм ер жигитлерине мийманлар ҳәм мектеп-интернат ҳаял-қызлары өз миннетдаршылықларын билдирди.
Дерек: 10-санлы "Нурлы мәкан" мектеп-интернаты
