2024-жыл 29-август күни Қараөзек районында Социаллық қорғаў миллий агентлиги Қарақалпақстан Республикасы басқармасы тәрепинен Ғәрезсизлигимиздиң 33 жыллық байрамы алдынан бирқатар илажлар, ушырасыўлар өткерилди.

Дәслеп район орайында жаңадан бой тиклеген имаратлардан барлық шараятлары менен “Мәденият” мәҳәллесинде жасаўшы А.Нуржановқа Президент қарары тийкарында үй тапсырылды.

А.Нуржанов районы “Инсан” социаллық хызметлер орайы тәрепинен турақ жайға мүтәж шахслар дизимине киритилген еди. Соң райондағы “Бердақ” мәҳәллесинде жасаўшы “Бес баслама паралимпиадасы” спорт жарысы жеңимпазы Н.Ахметовтан хабар алынып, байрам саўғлары тапсырылды.

Кейинги мәнзил “Мәденият” мәҳәллеси болып, онда Басқарма баслығының орынбасары Р.Рахимов тәрепинен көшпели қабыллаў өткерилди. Қабыллаўда пуқаралар тийкарынан майыплық арбашасы, протез-ортопедия үскенелери менен тәмийинлеў, майыплықты белгилеў, бәнтлик, санаторий жолламасын алыў, балалар напақасы ҳәм басқада мәселелер бойынша мүрәжат етти.

Машқалалардың көпшилиги соль орында шешилген болса, шешими белгили ўақыт талап етилетуғын мүрәжатлар тийисли жуўапкерлерге бекитилди.

Видео YouTube:

Дерек: Социаллық қорғаоъ миллий агентлиги
Қарақалпақстан Республикасы басқармасы