2024 йил 7 август куни Муҳаммад ал-Хоразмий номидаги Тошкент ахборот технологиялари университети Нукус филиалида кўзи ожиз абитуриент-ёшлар учун қабул тест имтиҳонлари бошланди.

Тест имтиҳонларини филиал директори ў.ў.а. Р.Ўтениязов очиб берди ва тест имтиҳонлари тартиб-қоидалари, баҳолаш мезонлари, комиссия таркиби аъзолари билан таништирди. Шунингдек, абитуриент-ёшларга навбатдаги тест имтиҳонларида омад тилади.

Бугунги тест имтиҳонларида 4 нафар абитуриент-ёш ўз билимларини синовдан ўтказиш мақсадида тест имтиҳонларига тайёрланиб келган.

Маълумот учун, Давлат олий таълим муассасаларига қабул имтиҳонларида юқори балл тўплаган ва баҳолаш мезонларига жавоб берган абитуриент-ёшлар қўшимча квота билан давлат гранти асосида талабаликка тавсия этилади.

Манба: Муҳаммад ал-Хоразмий номидаги
ТАТУ Нукус филиали Матбуот хизмити.