2024-жыл 9-сентябрь күни Өзбекстан Республикасы Президенти жанындағы Социаллық қорғаў миллий агентлиги Қарақалпақстан Республикасы басқармасына қараслы арнаўлы билимлендириў ҳәм көзи әззи балалар ушын айрықша билим алыўға мүтәж болған Нөкис қаласындағы 10-санлы "Нурлы мәкан" қәнигелестирилген мектеп-интернатында «Майыплығы болған шахслардың айрықша жағдайлар ўақтында туўры ҳәрекет етиўи ҳәмде оларды қәўипсиз эвакуация етиў» атамасында семинар шөлкемлестирилип өткерилди.

Семарды Өзбекстан Майыплар Ассоциациясы Қарақалпақстан Республикасы аймақлық бөлими ҳәмде Қарақалпақстан Республикасы айрықша жағдайлар басқармасы тәрепинен шөлкемлестирилди.

Семинардың тийкарға мақсети көриўде нуқсаны болған шахслардың өзлериниң айрықша жағыдайлар ўақтында туўры ҳәрекет етиўи ҳәмде оларды қәўипсиз эвакуация етиў бойынша майыплығы болған шахслардың психологиялық таярлығын, билим ҳәм көнликпелерин асырыўдан ибарат.

Семинар даўамында Қарақалпақстан Республикасы аймақлық бөлими қәнигелери тәрепинен көргизбели арнаўлы тактикалық оқыў шынығыўы өткерилди. Қатнасыўшылар өзлерин қызықтырған сораўларға жуўаплар алды.

Семинарға мектеп-интернатының жоқары класс оқыўшылары жәми 50 оқыўшы қатнасты.

Видео YouTube:

Дерек: Өзбекстан Майыплар Ассоциациясы
Қарақалпақстан Республикасы аймақлық бөлими