2024 йил 31 октябрь куни Қорақалпоғистон Республикаси Жўқорғи Кенгеси, Ўзбекистон Республикаси Рақамли технологиялар вазирлиги Қорақалпоғистон Республикаси бошқармаси, Ўзбекистон Ёшлар ишлари агентлиги Қорақалпоғистон Республикаси бошқармаси ва "Sirius IT Academy" хусусий ўқув маркази ҳамкорлигида "Энг яхши веб-сайт" ва "Энг яхши мобил илова" стартап танлови ташкил этилди деб бу ҳақда Ўзбекистон Ёшлар ишлари агентлиги Қорақалпоғистон Республикаси бошқармасининг Расмий каналида хабар берилди.

Танловнинг асосий мақсади ўқувчи ва талабалар IT соҳасига қизиқувчи иқтидорли ёшларни қўллаб-қувватлаш ва улар томонидан амалга оширилаётган стартап лойиҳаларини рўёбга чиқаришдан иборат.

Ёшлар ўртасида ўтказилган "Энг яхши веб-сайт" номинацияси бўйича Авезов Саламат Юлдашевич Mehrtilsimi.blogspot.com - Ижтимоий-ҳуқуқий сайти 3-ўринни эгаллади.

Қорақалпоғистон Республикаси Жўқорғи Кенгеси, Ўзбекистон Республикаси рақамли технологиялар вазири Қорақалпоғистон Республикаси бошқармаси, Ўзбекистон Ёшлар ишлари агентлиги Қорақалпоғистон Республикаси бошқармаси ва "Sirius IT Academy" хусусий корхонаси томонидан Авезов Саламат Юлдашевичга танлов ташкилотчилари планшет ва сертификат топширилди.

Ўзбекистон Республикаси Ногиронлар ассоциацияси Қорақалпоғистон Республикаси ҳудудий бўлими жамоаси номидан Авезов Саламат Юлдашевични табриклаймиз ва келгуси фаолиятига омад тилаймиз.

Ўзбекистон Ногиронлар ассоциацияси
Қорақалпоғистон Республикаси ҳудудий бўлими