Жорий йилнинг 4 декабрь куни Бердақ номидаги Қорақалпоқ Давлат университетининг Маданият саройида Ўзбекистон «Махсус олимпиадаси» жамоат бирлашмаси Қорақалпоғистон Республикаси бўлинмаси ва бир қатор ташкилотлар билан биргаликда "Ҳар бир бола Ўзбекистон эътиборида", "Меҳр қуёшидан бахт топган инсонман" мавзуларида ёш эстрада хонандалари ҳамда имконияти чекланган болалар ва ёшлар ижросида хайрия концерт дастури бўлиб ўтди.

Концерт дастурини томоша қилиш учун Нукус шаҳридаги 4 сонли эшитишида нуқсони бор болалар мактаб-интернати, 6 сонли маданият уйи тарбияланувчилари, 10 сонли «Нурли макон» кўзи ожиз ва чала кўрувчи болалар мактаб-интернати, Хўжайли туманидаги 17 сонли мактабгача таълим ташкилотлари тарбияланувчилари, Нукус шаҳридаги уй шароитидаги тарбияланаётган болалар жами 100 дан ортиқ болалар ва ёшлар иштирок этди.

Бундан ташқари шу куни ўзгача қизларнинг қўл ҳунарлари кўргазмаси очилди. Сўнг Нукус шаҳридаги «Тўмарис» ресторанида байрам дастурхони ташкил этилди.

Манба: Ўзбекистон Нодавлат нотижорат ташкилотлари
Миллий Ассоциацияси Қорақалпоғистон Республикаси ҳудудий бўлими