Хабарыңыз бар, 2024-жылдың 1-декабрь сәнесинде пара олимпиадашы жас спортшыларымыз Таилантда шóлкемлестирилетуғын Халықаралық спорт жарысына жол алған еди.

Муҳаммед ал-Хорезмий атындағы Ташкент информаcиялық технологиялары университети Нөкис филиалы "Компьютер инжиниринги" факультети 2-басқыш студенти Усмонжонов Ҳусниддин Таиланттың Накхон Ратчасима қаласында болып өткен "World Ability Sport – 2024" жаслар ойынларында қатнасып, еки гүмис ҳәм бир алтын медалды қолға киргизди.

Биз де өз гезегинде Муҳаммед ал-Хорезмий атындағы Ташкент информаcиялық технологиялары университети Нөкис филиалымыз спортшы студентин ерискен жетискенликлери менен қутлықлап, алдағы оқыў ҳәм жумысларында табыслар тилеймиз!

Дерек: Муҳаммед ал-Хорезмий атындағы
ТИТУ Нөкис филиалы Баспасөз хызмети.