Агентлик директоры Мансурбек Оллоёров Қоңырат районындағы “Түркистан” мәҳәллесиниң жетилиги менен ушырасты. Мәҳәлледе әмелге асырылып атырған жумыслардың барысы менен танысты.

Сондай-ақ усы мәҳәлледе жасаўшы өнермент Гүлмира Жумамуратова ҳәм кем тәмийинленген шаңарақларға субсидия арқалы артезиан қудық қазыў искерлигин баслаў қәлеўин билдирген исбилермен Атабек Матниязов пенен сәўбетлесип, олардың презентациясы менен танысты.

Усы мәҳәлледе жасаўшы ағаш устасы, өнермент Оңғарбай Ешбаевтиң үйине барып жумыс искерлигин көрди. Олардың усынысларын тыңлап, тез арада унамлы шешим табыўын айтып өтти.

Соның менен бирге Агентлик директоры райондағы “Қара тал” ҳәм “Әжинияз” мәҳәллеринде болып, кем тәмийинленген шаңарақ үйлерин барып көрди. Бул шаңарақларға социаллық хызметлерди көрсетиў бойынша жуўапкерлерге тапсырмалар берди.

Дерек: Социаллық қорғаў миллий агентлиги
Қарақалпақстан Республикасы басқармасы