Тахтакөпир районында Өзбекстан Республикасы Президент жанындағы Социаллық қорғаў миллий агентлиги Қарақалпақстан Республикасы басқармасы баслығы С.Данияров пуқарлардың мүрәжатларын тыңлады.

Пуқаралар тийкарынан майыплықты белгилеў, бәнтлик, санаторий жолламасын алыў, балалар напақасы ҳәм басқада мәселелер бойынша мүрәжат етти.

Машқалалардың көпшилиги сол орында шешилген болса, шешими белгили ўақыт талап етилетуғын мүрәжатлар тийисли жуўапкерлерге бекитилди. Сондай-ақ, майыплықты белгилеў бойынша мүрәжат қылған пуқараларға районлараралық социаллық-медициналық эксперт комиссиясына жолламалар берилди.

Дерек: Социаллық қорғаў миллий агентлиги
Қарақалпақстан Республикасы басқармасы