Өзбекстан Республикасы Спорт министрлиги тәрепинен шөлкемлестирилген пара пауерлифтинг спорт түри бойынша ересеклер, жаслар ҳәм жас өспиримлер арасында өткерилген Өзбекстан чемпионатында Муҳаммед ал-Хорезмий атындағы Ташкент информациялық технологиялары университети Нөкис филиалы "Компютер инжиниринги" факультети 2-басқыш студенти Ҳ.Усмонжонов жаслар категориясында, 88 кг салмақ категориясында 1-орынды ийеледи.

Бул жеңис тек ғана оның мийнети нәтийжеси емес, ал Муҳаммед ал-Хорезмий атындағы Ташкент информациялық технологиялары университети Нөкис филиалымыз студентлериниң спорт ҳәм илимий тараўларда жоқары шыңларды ийелеўге уқыплы екенлигин және бир мәрте тастыйықлайды.

Спортшы студентимиз бенен мақтанамыз ҳәм келешектеги жеңислериңизде әўмет тилеймиз!

Дерек: Муҳаммед ал-Хорезмий атындағы
ТИТУ Нөкис филиалы Баспасөз хызмети