Халқымыз әзел-әзелден перзент сүйиўши халық болып келген. "1-июнь – Халықаралық балаларды қорғаў күни" сыпатында мәмлекетимизде кеңнен белгиленеди. Бул күн балаларымыз ушын ең қуўанышлы күнлерден бири болып есапланады.

Усы сәне мүнәсибети менен 2025-жыл 31-май күни Нөкис қаласындағы 26-санлы мәмлекетлик көп тармақлы қәнигелестирилген мектепке шекемги билимлендириў мәкемесинде байрам илажы болып өтти.

Илажда Нөкис мәмлекетлик техника университети Илимий ислер ҳәм инновациялар бойынша проректор М.Артықкбаев қатнасып, бул жерде тәрбияланып атырған балаларға байрам саўғаларын тапсырды.

Буннан соң, 26-санлы мәмлекетлик көп тармақлы қәнигелестирилген мектепке шекемги билимлендириў мәкемеси жәмәәти тәрепинен таярланған концерт бағдарламасы менен даўам етти.

Дерек: Нөкис мәмлекетлик техника
университети Баспасөз хызмети