Әжинияз атындағы Нөкис мәмлекетлик педагогикалық институты студенти пара жеңил атлетика бойынша Өзбекстан чемпионатында сыйлы орынды ийеледи. Ташкент ўәлаятында пара жеңил атлетика бойынша Өзбекстан чемпионаты жарыслары болып өтти.

Жарыста Әжинияз атындағы Нөкис мәмлекетлик педагогикалық институты Елликқала педагогика факультети өзбек тили ҳәм әдебияты тәлим бағдарының 1-басқыш студенти Зуҳра Ҳасанбаева узынлыққа секириў бойынша сыйлы 3-орынды ийелеп, Өзбекстан чемпионатының қола медальын жеңип алды.

Спортшыны жарысқа тренери Алтынбек Нурбаев таярлады.

Дерек: НМПИ баспасөз хызмети