Қораўзоқ туманида жорий йилнинг 30 август куни Ўзбекистон Республикаси Президенти ҳузуридаги Ижтимоий ҳимоя миллий агентлиги Қорақалпоғистон Республикаси бошқармаси Қораўзоқ тумани “Инсон” ижтимоий хизматлар маркази, Қорақалпоғистон Республикаси Фавқулодда вазиятлар бошқармаси ҳузуридаги “Ҳаёт хавфсизлигини ошириш” ўқув маркази ва Ўзбекистон Ногиронлар ассоциацияси Қорақалпоғистон Республикаси ҳудудий бўлими Қораўзоқ тумани бўлинмаси томонидан “Ногиронлиги бўлган шахсларнинг ҳуқуқлари тўғрисида” мавзуга оид семинар-тренинг ташкил этилди.

Ундан “Инсон” ижтимоий хизматлар маркази, “Ҳаёт хавфсизлигини ошириш” ўқув маркази масъул ходимлари ва Ўзбекистон Ногиронлар ассоциацияси Қорақалпоғистон Республикаси ҳудудий бўлими ва туман бўлинмалар вакиллари ва 25 га яқин ногиронлиги бўлган шахслар иштирок етишди.

Ушбу семинар-тренингдан кўзланган асосий мақсад “Ногиронлиги бўлган шахсларнинг ҳуқуқлари тўғрисида” Ўзбекистон Республикасининг Қонуни 15-октябрь 2020 йилдаги 641-сон Қонун мазмуни, ҳуқуқий кафолатлари ва фавқулодда вазиятларда хавфсиз эвакуация қилишнинг амалий йўллари мавзуларида билим ва кўникмаларини ва жамиятдаги ижтимоий фаоллигини оширишдир.

– Ногиронлиги бўлган шахсларни ҳуқуқий жиҳатдан ижтимоий қўллаб-қувватлаш, фавқулодда вазиятларда тўғри ҳаракат қилишга ўргатиш тартиби энг асосийи қонуний ва халқаро ҳужжатлардан манфаатли фойдаланиш зарурлиги ҳақида тушунчаларига эга бўлдим, – дейди Б.Танирбергенов.

Саламат АВЕЗОВ,
Ўзбекистон Ногиронлар ассоциацияси
Қорақалпоғистон Республикаси ҳудудий бўлими мутахассиси.