Бўзатов тумани "Кўк-сув" овул фуқаролар йиғини ҳудудида жойлашган 13-сонли умумий ўрта таълим мактабида "Инсон" ижтимоий хизматлар маркази томонидан "Инсон – инсонга кўмакчи" мавзусида коучинг тадбири ўтказилди.

Коучинг тадбирида "Инсон" ижтимоий хизматлар маркази Бўзатов тумани бўлими бошлиғи Д.Каипов, бўлим ходимлари ва ҳудудда яшовчи фуқаролар иштирок этди.

Тадбир давомида мутахассислар томонидан ижтимоий карталар, санаторийларга йўлланма олиш, "Саховат ва кўмак" жамғармаси маблағларидан ёрдам кўрсатиш, ногиронлиги бўлган шахсларни реабилитация қилишнинг техник воситалари билан таъминлаш ва кундузги парвариш хизмати бўйича кенг тушунчалар берилди.

Шунингдек, фуқароларга ижтимоий хизматлар соҳаси бўйича саволлар берилиб, уларнинг билим ва кўникмалари мустаҳкамланди. Тадбирда фаол иштирок этган фуқаролар ташкилотчилар томонидан муносиб тақдирланди.

Манба: Ижтимоий ҳимоя миллий агентлиги
Қорақалпоғистон Республикаси бошқармаси