Муборак Рамазон ойи муносабати билан эҳтиёжманд оилаларни қўллаб-қувватлаш, уларнинг турмуш шароитини яхшилаш мақсадида манзилли моддий ёрдамлар изчиллик билан етказиб берилмоқда.

Давлатимиз томонидан кўрсатилаётган ушбу хайр-саховат ишлари Қорақалпоғистон Республикасининг барча шаҳар ва туманларидаги маҳаллаларни қамраб олди. Жумладан, 55 мингдан ортиқ хонадонга Рамазон ойи хайр-эҳсони етиб бориб, оилаларга қувонч улашди.

Бу эзгу ишлар инсон қадрини улуғлаш, жамиятда меҳр-оқибат, аҳиллик ва ўзаро ғамхўрликни янада мустаҳкамлашга хизмат қилмоқда. Айниқса, муборак ойда кўрсатилаётган бундай эътибор эҳтиёжманд оилаларга руҳий қувват, эртанги кунга ишонч бағишламоқда.

"Рамазон – меҳр-мурувват, аҳиллик ва шукроналик ойи." Бу ойда қилинган ҳар бир хайрли амал, ҳар бир яхшилик инсонлар қалбига умид ва файз олиб киради.

Манба: Ижтимоий ҳимоя миллий агентлиги
Қорақалпоғистон Республикаси бошқармаси