«SA.KR.UZ» жеке веб-сайтының ийеси Саламат Авезовтың басламасы менен www.mehrtilsimi.uz сайты иске түсти. Бул ҳаққында бизге сайттың администраторы хабар берди.

– Социаллық жаңалықлар сайтының ашылыўынан тийкарғы мақсет майыплығы болған шахслардың бир жерге жәмлеў, оларды жәмийет көлеминде тең ҳуқықлы ағзалар сыпатында мәмлекетлик уйымлар, шөлкемлер, ҳәкимликлер, мәкемелер, жәмәәтшилик ҳәм аймақлық тийисли тараўлардың бирге ислесиўин жолға қойыўдан ибарат, – дейди Саламат Авезов.

Мәмлекетимиздеги имканияты шекленген шахсларға кең мүмкиншиликлерди жаратып бериў, оларды социаллық тәрептен қоллап-қуўатлаў, талант ҳәм қәбилетлерин өз ўақтында анықлаў ҳәм жүзеге шығарыў, оларда жаңа руўхыятты қәлиплестириўге ҳәм олардың турмыс тәризин еледе жақсылаў бойынша кеңирек мағлыўматлар берип барыў сайттың тийкарғы ўазыйпасы болып табылады.
Сахибжамал Есемуратова