Paytaxtımızdıń Nòkis qalasında 2022-jıl 21-oktyabr kúni Respublikalıq Suw sporti túrleri boyınsha Qaniygelestirilgen sport mektebiniń balalar júziw basseyinde birinshi màrte sporttiń Para júziw túri boyınsha er balalar hàm qızlar arasında Qaraqalpaģıstan Respublikası Kubogi jarısı òtkerildi.
Jarısqa Nòkis qalası hàm Shımbay rayonı hàmde respublikamızdın' basqa rayonlarınan sportshılar qatnastı. Jarıs qızģın hım basekilikke tola bolıp òtti.
Usı jarısta òziniń klassifiykatsiyası boyınsha qızlar arasında hàm er balalar arasında òziniń sıylı orınlardı alıwģa eristi. Sportshılardı jarısqa trenerler Azamat Ilyasov hàm Àdılbek Keńesbaev tayarladi.
Jarıstı òtkeriwde Respublikalıq Suw sportı túrleri boyınsha qàniygelestirilgen sport mektebi, Qaraqalpaqstan Respublikası Sportti rawajlandırıw ministrligi, Òzbekstan Milliy Paraolimpiya komiteti Qaraqalpaqstan Respublikası bòlimi úlken janbazlıq kòrsetti.
Bul elimizde mayıplıģı bolģan shaxslarģa úlken itibar bolıp esaplanadı.
Derek: Òzbekstan Mayıplar Assotsiatsiyası
Qaraqalpaqstan Respublikası aymaqlıq bòlimi
