2024-жыл 31-октябрь күни Қарақалпақстан Республикасы Жоқарғы Кеңеси, Өзбекстан Республикасы Цифрлы технологиялар министрилиги Қарақалпақстан Республикасы басқармасы, Өзбекстан Жаслар ислери агентлиги Қарақалпақстан Республикасы басқармасы ҳәм «Sirius IT Academy» жеке-меншик оқыў орайы менен биргеликте «Ең жақсы веб-сайт» ҳәм «Ең жақсы мобил қосымша» стартап таңлаў шөлкемлестирилди деп бул ҳаққында Өзбекстан Жаслар ислери агентлиги Қарақалпақстан Республикасы басқармасының рәсмий каналында хабар берилди.

Таңлаўдың тийкарғы мақсети оқыўшы ҳәм студентлер IT тараўына қызығыўшы талантлы жасларды қоллап-қуўатлаў ҳәм олар тәрепинен әмелге асырылып атырған стартап жойбарларын жүзиўге шығарыў ибарат.

Жаслар арасында өткерилген «Ең жақсы веб-сайт» номинациясы бойынша Авезов Саламат Юлдашевич Mehrtilsimi.blogspot.com  – Социаллық-ҳуқықый сайты 3-орын ийеледи.

Қарақалпақстан Республикасы Жоқарғы Кеңеси, Өзбекстан Республикасы цифрлы технологиялар министри Қарақалпақстан Республикасы басқармасы, Өзбекстан Жаслар ислери агентлиги Қарақалпақстан Республикасы басқармасы ҳәм «Sirius IT Academy» жеке-меншик тәрепинен Авезов Саламат Юлдашевичға таңлаў шөлкемлестириўшилери планшет ҳәм сертификат тапсырылды.

Өзбекстан Республикасы Майыплар ассоциациясы Қарақалпақстан Республикасы аймақлық бөлими жәмәәти атынан Авезов Саламат Юлдашевичти қутлықлаймыз ҳәм келеси жумысларына тасқынлар тилеймиз.

Видео YouTube:

Өзбекстан Майыплар ассоциациясы
Қарақалпақстан Республикасы аймақлық бөлими баспасөз хызметкери.