Әжинияз атындағы Нөкис мәмлекетлик педагогикалық институты Мектепке шекемги тәлим факультети мектепке шекемги тәрбия ҳәм дефектология кафедрасы жәмәәти және арнаўлы педагогика: логопедия тәлим бағдарының 2-А ҳәм Б топарлары студент-жаслары тәрепинен пайтахтымыз Нөкис қаласындағы 4-санлы қәнигелестирилген мектепте, сондай-ақ, 27-санлы улыўма билим бериў мектебинде “3-Декабр – Халықаралық майыплар күни”не арналған байрам илажлары шөлкемлестирилди.

Илажда кафедра баслығы А.Бекимбетова, методистлер А.Сапаров ҳәм Ж.Қарлыбаевалар жәмийетлик турмыстың барлық тараўларында майыплығы болған адамлардың ҳуқықларын қорғаў, сондай-ақ, майыплардың машқалаларына кең жәмийетшиликтиң дыққатын қаратыў мақсетинде белгиленетуғын байрамның әҳмийети ҳаққында атап өтти.

Байрам илажында балаларға байрам саўғалары тапсырылды. Мектеп ҳәкимшилиги балалардың кеўлин көтерип, байрамда хабар алғаны ушын институт ҳәм кафедра жәмәәтине миннетдаршылығын билдирди.

Дерек: Әжинияз атындағы Нөкис мәмлекетлик
педагогикалық институты