Бугун 25-декабрь куни Бердақ номидаги Қорақалпоқ давлат академик мусиқали театрида болаларга Президент совғалари топширилди.

Тадбирга васийлик ва ҳомийликга олинган болалар ва ота-онаси ватанимиз сарҳадларини ҳимоя қилиш йўлида қурбон бўлган 3-6 ёшдаги болалар таклиф этилди.

Қорақалпоғистон Республикаси Жўқорғи Кенгеси Раиси Аманбай Ўринбаев болаларни янги йил байрами билан табриклади ва Президентимизнинг совғаларини топширди.

Байрам дастури Чиройли безатилган Арча атрофида Қорбобо ва Қорқиз, турли эртак қаҳрамонлари иштирокида театрлаштирилган томошалар билан давом этди.

Президент совғаларини топшириш тадбирлари барча шаҳар ва туманларимизда давом этмоқда.

Манба: Қорақалпоғистон Республикаси Жўкорғи Кенгеси
Олий давлат қонун чиқарувчи хокимият органи расмий сайти