Байрам қарсаңында Қарақалпақстан Республикасы Жоқарғы Кеңесиниң Баслығы Аманбай Орынбаев «Имкон» реабилитация орайына ийе болған мектепке шекемги билимлендириў шөлкеминде болып, усы жерде тәрбияланып атырған балаларды жаңа жыл байрамы мүнәсибети менен қутлықлады.

Ҳәр бир наўқаслығы бар бала усы мәсканнан шыпа таўып, әпиўайы турмысқа көнлигип кетиўин тиледи.

Сондай-ақ, балаларға байрам кейпиятын бөлисиў мақсетинде жаңа жыл саўғалары тапсырылды.

«Имкон» орайында шөлкемлестирилген жаңа жыл байрамында балалар менен бирге жаңа жыл шыршасы әтирапында қосықлар, жақсы тилеклер айтылып, ҳәр қыйлы ойын-заўықлар менен даўам етти.

Дерек: Қарақалпақстан Республикасы Жоқарғы Кеңеси
Нызам шығарыўшы жоқары мәмлекетлик ҳәкимият уйымы рәсмий сайты