Жаңа жылды белгилегенимизге көп ўақыт болғанына қарамастан, елимиз бойлап байрам қуўанышы елеге шекем даўам етпекте.

Сол қатарда, Бердақ атындағы Қарақалпақ мәмлекетлик академиялық музыкалы театрында «Жаңа жыл саўғасы» байрам шоу бағдарламасы халқымыз ушын байрам кейпиятын бағышламақта.

2025-жыл 10-январь күни Өзбекстан "Арнаўлы олимпиада" жәмиетлик бирлеспеси Қарақалпақстан Республикасы бөлими ағзалары ҳәм олардың ата-аналары менен бос ўақытларын мазмунлы өткериў мақсетинде байрам бағдарламасын тамашалады.

Естрада ўәкиллериниң шығыўлары, түрли нама-қосықлар, сахналастырылған тамашалар тек ғана хызметкерлеримизге емес, ал, жыйналғанлардың бәрине бирдей көтериңки кейпият бағышлады.

Саламат АВЕЗОВ,
Өзбекстан Майыплар ассоциациясы
Қарақалпақстан Республикасы аймақлық бөлиминиң қәнигеси.