2025-жыл 7-февраль күни Өзбекстан Республикасы Президент жанындағы Социаллық қорғаў миллий агентлиги Қарақалпақстан Республикасы басқармасында Қарақалпақстан Республикасына мийнети сиңген экономист, экономика илимлериниң кандидаты, доцент, ҳүрметли устаз Қарақалпақстан аўыл хожалығы ҳәм агротехнологиялары институты Агробизнес ҳәм бухгалтерия есабы кафедрасы баслығы Батыр Мырзаев пенен ушырасыў өткерилди.

Ушырасыўда Б.Мирзаев шығып сөйлеп, өзиниң өмир жолы, әмелге асырып атырған жумыслары даўамында топлаған бай тәжирийбеси, усы бағдардағы ушырасыўлар өсип киятырған жас кадрлар ушын турмыслық мектеп ўазыйпасын атқарып, устаз-шәкирт қатнасықларын беккемлеўге хызмет ететуғынлығы ҳаққында айтып өтти.

Сондай-ақ, Өзбекстан Республикасы Президент жанындағы Социаллық қорғаў миллий агентлиги Қарақалпақстан Республикасы Басқарма хызметкерлери өзлерин қызықтырған сораўларына жуўаплар алды.

Ушырасыў жуўмағында Өзбекстан Республикасы Президент жанындағы Социаллық қорғаў миллий агентлиги Қарақалпақстан Республикасы Басқарма баслығы С.Данияров шығып сөйлеп, Б.Мирзаевқа барлық кәсиплеслер атынан миннетдаршылық ҳәм жақсы тилеклерин билдирди.

Дерек: Социаллық қорғаў миллий агентлиги
Қарақалпақстан Республикасы басқармасы